Friday, January 18, 2008

ಇನ್ನು ಈ ನದಿ ನಿಲ್ಲುವುದಿಲ್ಲ..

ಹಾಯ್ ಫ್ರೆಂಡ್ಸ

ನದಿ ಬಗ್ಗೆ ನಿಮಗೆಲ್ಲ ಖಂಡಿತಾ ಗೊತ್ತಿದೆ. ಎಲ್ಲೋ ಇವತ್ತಿನ ಮಕ್ಕಳಿಗೆ ನದಿ ಅನ್ನೋದು ಹೇಗಿರುತ್ತೆ ಅಂದ್ರೆ ಮ್ಯಾಪ್ನಲ್ಲಿ ತೋರಿಸಿ "ದಿಸ್ ಈಸ್ ರಿವರ್" ಅಂತ ಹೇಳಬಿಡ್ತಾವೆ. ಅವಕ್ಕೆ ನದಿಯ ಜಾಯಮಾನ ಗೊತ್ತಿಲ್ಲ. ಸೆಳಹು ಗೊತ್ತಿಲ್ಲ. ಪರಿಧಿ ಗೊತ್ತಿಲ್ಲ. ಅದರ ಉದ್ದ ಅಗಲವೂ ಗೊತ್ತಿಲ್ಲ. ಎಲ್ಲಕ್ಕಿಂತ ಹೆಚ್ಚಾಗಿ ಅದರ ಪ್ರೀತಿ ಗೊತ್ತಿಲ್ಲ.
ನಿಜ ಹೇಳಬೇಕು ಅಂದ್ರೆ, ಅದರ ತೆಕ್ಕೆಗೆ ಏನು ಸಿಗುತ್ತೋ ಅದನ್ನೆಲ್ಲ ತೆಗೆದುಕೊಂಡು ಹೋಗೋದು ನದಿಯ ಜಾಯಮಾನ. ಅದಕ್ಕೆ ಯಾರು ಹೆಚ್ಚೂ ಅಲ್ಲ ಕಡಿಮೆಯೂ ಅಲ್ಲ. ದಾಹ ಅಂತ ಬಗ್ಗಿದವ ನೀರು ಸಿಕ್ಕ ಖುಷಿಯಲ್ಲಿ ಸ್ವಲ್ಪ ಯಾಮಾರಿದರೂ ನದಿ ಬಿಡೊಲ್ಲ ಅನ್ನೋದು ನಿಮಗೆ ಗೊತ್ತಿದೆ. ಬದುಕೂ ಹಾಗೆ. ನದಿಯ ಥರ. ಹರಿದದ್ದೇ ದಾರಿ. ನಾವು ಅದರ ಸೆಳೆತಕ್ಕೆ ಒಳಗೊಳ್ಳಬೇಕೇ ವಿನಃ ಅದು ನಮ್ಮ ತನಕ್ಕೆ ಒಗ್ಗುವುದಿಲ್ಲ. ಅಂತಹ ನದಿಯ ಪ್ರೀತಿಯನ್ನೇ ಬೊಗಸೆಯಲ್ಲಿ ಬಾಚಿ ತಂದು ಈ ಬ್ಲಾಗ್ನಲ್ಲಿ ಇಡಲು ಪ್ರಯತ್ನಿಸುತ್ತೇನೆ.
ಇನ್ನು ಮುಂದೆ ನದಿ ನಿಲ್ಲುವುದಿಲ್ಲ. ಅದರ ಪ್ರೀತಿಯೂ.
ಒಪ್ಪಿಸಿಕೊಳ್ಳಿ.