Friday, August 29, 2008

ಹೇಗೆ ಹೇಳಲೀ ಅವನೇ ಬಂದಿದ್ದು ಅಂತ...




ಅವತ್ತು ಮನೆ ಬಾಗಿಲು ತೆಗೆದಾಗ
ಮನೆಯ ಒಳಗಡೆ ನಾನಿರಲಿಲ್ಲ

ಒಳಗೆ ಬಂದವನಿಗೆ ಬಾಯಾರಿಕೆ
ಎಂಥದೋ ಚಡಪಡಿಕೆ
ನೋಡಿದರೆ ಕಳ್ಳನಂತೆ, ಮಳ್ಳನಂತೆ
ಗುಮ್ಮನ ಗುಸಕ್
ಏನೋ ಕದಿಯಲು ಬಂದಿದ್ದಾನೆಯೇ?
ಕದ್ದುಬಿಟ್ಟರೇನು ಗತಿ ಮಗಳ ಹೃದಯ ?

ಅಮ್ಮ ಅದ್ದರಿಸಿದ್ದಾಳೆ
ಹಚಾ ಹಚಾ
ಸುಮ್ಮನೆ ಹಾಗೆ ಯಾರ ಮನೆಯಂಗಳಕ್ಕೂ
ಬರಬಾರದು!
ಮನದಂಗಳಕ್ಕೂ!

ಆದರೂ
ಅವನ ಕಣ್ಣಿದೆಯಲ್ಲೇ
ನೀಲಿ ಬಾನನ್ನೆಲ್ಲ ತಂದು ಎರಕ ಹುಯ್ದಂತೆ
ಹುಬ್ಬೋ ಕಡುಕಪ್ಪು ಕಾಮನ ಬಿಲ್ಲು
ಎದೆ ಸೆಟೆದು ನಿಂತರೆ ವೀರಬಾಹು

ಎಲ್ಲಾ ಸರಿ
ಸರಿಯಿಲ್ಲ ಅವನು ಇಲ್ಲಿಗೆ ಬಂದದ್ದು
***
ನಾನು ಹೋಗುವಷ್ಟರಲ್ಲಿ
ಅವನು ಹೋಗಿಯಾಗಿತ್ತು

ಅಮ್ಮ ಕೇಳಿದಳು
ಬಂದವನು ಯಾರೆ?

ಯಾರೆಂದು ಹೇಳಲಿ?
ಯಾರೋ ಕಳ್ಳನಿರಬೇಕು ಬಿಡು!

ಕದಿಯುವುದಕ್ಕೆ ನಮ್ಮಲ್ಲೇನಿದೆ
ನನ್ನ ಹೃದಯವೊಂದನ್ನು ಬಿಟ್ಟು

ಆದರೂ
ಖಾಲಿ ಎದೆಯ ಒಳಗೊಂದು
ಕನಸು ಜೀಕುತ್ತಿದೆ
ಮನಸ ದಾರಿಯಲ್ಲಿ
ಮಲ್ಲಿಗೆ ಅರಳಿದೆ

ಹಾರಿ ಬಿಡಲಾ?

ಬಾಗಿಲಲ್ಲಿ ಅವನ ಕೈಯ್ಯ ಮಿದುವಿತ್ತು
ಮೈಯ್ಯ ಘಮವಿತ್ತು
ಬಿಟ್ಟು ಹೋದ ಉಸಿರಿನ
ಪಸೆ ಇತ್ತು

ಅಮ್ಮನಿಗೋ ಆತಂಕ
ಹೇಗೆ ಹೇಳಲೀ ಅವನೇ ಬಂದಿದ್ದು ಅಂತ!

7 comments:

ಸುಧನ್ವಾ ದೇರಾಜೆ. said...

ಕೊನೆಯ ಟ್ವಿಸ್ಟ್ ಚೆನ್ನಾಗಿದೆ.

Anonymous said...

ಕದಿಯುವುದಕ್ಕೆ ನಮ್ಮಲ್ಲೇನಿದೆ
ನನ್ನ ಹೃದಯವೊಂದನ್ನು ಬಿಟ್ಟು


ಆದರೂ
ಖಾಲಿ ಎದೆಯ ಒಳಗೊಂದು
ಕನಸು ಜೀಕುತ್ತಿದೆ
ಮನಸ ದಾರಿಯಲ್ಲಿ
ಮಲ್ಲಿಗೆ ಅರಳಿದೆ
ee saalugaLu thumbaa ishTa aaytu

Anonymous said...

Hey,

Tumba chennagide ri Ravi

Sowmya

Preethi said...

maneyangalake bandaroo
naatakavaadabaaradu allavaaa....

Anonymous said...

konegu naaanandukonda hagene ayitu..modle ansitu avane bandirabeku anta...konegu nana nambike nijavayitu....adbhuta kavana ravi dear

Anonymous said...

konegu naaanandukonda hagene ayitu..modle ansitu avane bandirabeku anta...konegu nana nambike nijavayitu....adbhuta kavana ravi dear

ಚಿತ್ರಾ ಸಂತೋಷ್ said...

ಸರ್..
ಅಬ್ಬಾ!! ಸೂಪರ್ರು....
-ಚಿತ್ರಾ